ሕይወት ተፈራ

ሕይወት ተፈራ ተወልዳ ያደገችዉ ሀረር ከተማ ነዉ፡፡ የሁለተኛ ደረጃ ተማሪ ሳለች ጀምራ፣ በፖለቲካ ነክ እንቅስቃሴዎች ስትሳተፍ የኖረች ሲሆን፣ በዚህም የኢህአፓ ሁለተኛ ዋና ሰዉ ከሚባለዉ ጌታቸዉ ማሩ ጋር የፍቅር ግንኙነት እንድትመሰርት መንገድ ሆኗታል፡፡ ከጌታቸዉ ጋር የነበራት የፍቅር ግንኙነት ያን ያህል እድሜ ባይኖረዉም፣ ከእሱ ጋር ታሪክ የምትጋራበትን የዚያን ትዉልድ የፖለቲካ እንቅስቃሴ ከራሷ ዉጣ ዉረዶች ጋር ጨምራ ለኅትመት ያበቃችዉ “Tower in The Sky” የሚለዉ መጽሐፏ በብዙዎች አስወደዳት፡፡ በመቀጠልም “Mine to Wine” ያለችዉን መጽሐፍ ይዛ ወደ አንበብያን ዘንድ ብቅ አለች፡፡ መጽሐፍቶቿን በእንግሊዘኛ ቋንቋ ጽፋ ለንባብ ካበቃች በኋላ በአማርኛ ቋንቋ እንዲተረጎሙ ስታደርግ የቆየችው ሕይወት ተፈራ በአዲሱ ስራዋ ለየት ያለ አካሄድ ተከትላለች። 248 ገጾች ያሉትን “ምንትዋብ” መጽሐፍ መጀመሪያዉኑም የጻፈችው በአማርኛ ነው።