አዲሱ ቴአትር
በዚህ ሳምንት የወጡ አዳዲስ ቴአትሮች ይተዋወቁበታል
ሸምጋይ
| [ርዕሥ] | ሸምጋይ |
| [ደራሲ] | ታደለ አያሌዉ |
| [አርታዒ] | ሳሙኤል ተሥፋዬ |
| [አዘጋጅ] | ሳሙኤል ተሥፋዬ |
| [ረዳት አዘጋጅ] | ስናፍቅሽ ተሥፋዬ |
| | |
| [ዘዉግ] | ታሪክ ቀመስ (ትዉፊታዊ) |
| [ፕሮዲዩሰር] | የኢትዮጵያ ብሔራዊ ቴአትር |
| [የመክፈቻ ቀን] | ታኅሣሥ 27፣ 2015ዓ.ም |
| [ድራማተርጅ] | ኢዮብ ገረመዉ |
| [ተዋንያን] | ብርሃን ተሥፋዬ፣ እታፈራሁ መብራቱ እና ሌሎች (20+) |
| | |
| [የደራሲዉ ቀዳሚ ሥራዎች] | ረበናት (2011፣ ልብ ዉለድ) ገረገራ (2014፣ ልብ ዉለድ) |
| | |
| [ቅንጭብ] |
ገብረ ሐና፡- /ደስ ደስ አላቸው/ አዛኜን? ተክሌ፡- አዛኜን! ሌላው እምቢ እንዳለ ቢቀር እንኳን፣ የነፍስ ጥበብ መሆኑን ነው ልቤ እሚለኝ። ፍቃድዎ ቢሆንማ ቢያስጠኑኝ ነበር ደስታዬ። ብቻ ግን ተከልክሏል ያው … ገብረ ሐና፡- ካጠናኸውማ በስምህ ዝማሜ አቆምን በለኛ። ‹‹የተክሌ ዝማሜ›› መባሉ ነዋ። /ጥሩነሽን እቅፍ አድርገው ሳሟትና/ ጥሩዬ … ከደጅ ሳትርቂ ልጆች ፈላልጊና እየተጫወትሽ ሠው ወደዚህ ሲመጣ ካየሽ ሮጠሽ ንገሪን። እሺ? ጥሩነሽ፡- ለኔም ካለማመዱኝ… ገብረ ሐና፡- ኋላስ! እኔው አስቀጽልሻለሁ። /በደስታ እየዘለለች ወጣች። ወደ ታችኛው መስኮት ቸኩለው ወሰዱትና።/ ተክሌ፡- ና እስኪ ወዲህ። አየኸው ያን ሸንበቆ? አየኸው? እየውማ። … እርቡቅ አለ ወደ ምድር። ቀና አለ ላንፋውን በሞገስ ዘርግቶ። ወደ ግራ ዘመመ በዝግታ። ወደ ቀኝ መለስ አለ እንደገና። አየኸው? /አለቃ መቋሚያቸውን አነሱ፣ ተክሌ ዘንጉን አመጣ፣ ሁለቱም በቀኝ እጃቸው ተመረኮዙ፣ ግራ እጃቸውን እንደ ጸናጽል ሸረቡ፣ ፊትና ፊት ሆኑ። በዝማሜ ጀምረው፣ ንዑስ መረግድ አስከትለው፣ ድርብ መረግዱ ላይ ደረሱ። የሠሎሞንን ምቅናይ እያዜሙ…./ ገብረ ሐና፡- እኧኧኧእ…… ሃሌ ሃሌ ሉያ ሃሌ ሉያ ከናፍሪሁ ጽጌ ከናፍሪሁ ጽጌ እለ ያውኀዛ ከርቤ እኧኧኧእ… ከርሡ ሰሌዳ ከመ ቀርነ ኔጌ። …. እኧኧኧኧኧኧኧእ…… |
| |
