ኃይለ መለኮት መዋዕል

የተወለደዉ በሰሜን ሸዋ ይፋት ኣውራጃ ማጀቴ በተባለች አነስተኛ ከተማ ነዉ። ደቡብ ኮምቦልቻ ላይ ፊደል ከቆጠረ እና ዳዊት ከደገመ በኋላ የኣንደኛ ደረጃ ትምህርቱን በቀድሞ የኤርትራ ክ/ሀገር ኣሥመራ ከተማ ኣክሪያ ት/ቤት ተከታተለ፣ የሁለተኛ ደረጃ ትምህርቱንም እዚያው ኣሥመራ ልዑል መኮንን መታበቢያ ሁለተኛ ደረጃ ት/ቤት አጠናቀቀ፥ በመምህርነት ሙያም ሰለጥኖ ኣገልግሏል።
ጋሽ ኃይለመለኮትን ስናስብ ከማንረሳቸዉ መጻሕፍት መካከል “የወዲያነሽ” (ረዥም ልቦለድ፣ በ1978ዓ.ም) ፣ “ጉንጉን” (ረዥም ልቦለድ፣ በ1982ዓ.ም) ፣ “እንካሰላምታ” (በ2005ዓ.ም) ፣ “ኦቴሎ” (ትግርኛ፣ 2007ዓ.ም) ይጠቀሳሉ፡፡ ከዚህ በተጨማሪም በየመድረኩ የሚያቀርባቸዉ ዲስኩሮች እና ምክሮች እንዳሉ ሆነ እሱ አርትዖት ያልሰራለት የሀገራችን ደራሲ መኖሩን እንጠራጠራለን፡፡ በተለይ አሁን አሁን፣ የጀማሪና ነባር ደራስያንን ስራ እያየ እርማት መስጠቱን ሥራዬ ብሎ ተያይዞታል፡፡