የዘመን ክስተት

መለስ በሃገር መሪነት በኢትዮጵያ ስፋትና ቁመት ልክ የፈጠረው ተፅዕኖ፣ በህዝቡ ልብ ውስጥ የያዘው ስፍራ፣ በየዘርፉ ያስመዘገበው ለውጥ ትልቅ ነው፡፡ በስልጣን ዘመኑ የኢትዮጵያን ዕጣፈንታ በመወሰኑ ሂደት ሚናው ግዙፍ ነበር፡፡ በመጀመሪያዎቹ አመታት በሽግግር መንግስት ፕረዝደንትነትና በጠቅላይ ሚኒስትርነት ሃገሪቱን የማረጋጋት፣ የህዝቦቿን ኢኮኖሚያዊ ፍላጎቶች የማስታረቅ፣ መሰረታዊ የልማት ስራዎችን የማከናወን፣ የአመለካከት ተቃርኖዎችን የማቻቻል፣ ፖለቲካዊ መስመሩን የማጥራት፣ እንዲሁም ሃገሩ ከዓለምአቀፍ ሃይሎች የተጋረጠባትን ኢፍትሃዊ የጣልቃገብነት ፈተናን የመመከት ተግባራት አከናውኗል፡፡